سامح الدهان: علمت بقرار استبعادي من السوشال ميديا والمقالات

تحدث الفارس المصري سامح الدهان، لاعب المنتخب الوطني للفروسية، عن أسباب استبعاده من الفريق المشارك فى دورة الألعاب الأولمبية في طوكيو والمقرر.

سامح الدهان: الفرس عندها خبرة وفازت ببطولات

وقال “الدهان” في بيان له نشره عبر صفحته الرسمية على “فيسبوك”: “كنت أفضل أن الأمور الخاصة بالفريق يتم التعامل معها في غرفنا المغلقة مهما كانت اختلافات وجهات النظر، ولكني لقيت نفسي مضطر أرد على ما تم إعلانه على الميديا امبارح”.

وتابع: “الفرسة ايمي موا عندها ١١ سنه و دي في عز تالق الخيل، سوماز زورو الفرسة الكبيره هي اللي كانت احتياطي عشان كبر سنها ولو الفرسة معندهاش خبرة فازات ازاي بكل البطولات العالمية اللي فاتت على أعلى مستوى 160 سم”.

“سوما زورو” بتنافس باسم مصر بقالها 10 سنين

واستكمل “الدهان”: “الفرسة مملوكة لـ Joanne Joanne Sloan Allen بشراكة معايا وده طبيعي جدًا بدليل إن حصانين من المختارين في الفريق عندهم نفس الموقف، مش صحيح ولست في حاجة إني أروح أنافس في الاولومبياد عشان أعلي سعر الفرسة”.

واستطرد: “هذا كلام لا يصدقه منطق بدليل إن سوماز زورو بتنافس باسم مصر بقالها ١٠ سنين و نفس الشيء ينطبق علي ايمي موا فالغرض تمثيل مصر في الاولومبياد وده شرف لاي فارس، أنا بنافس باسم مصر في كل بلاد العالم و برفع علمها في كل مكان، وآخرهم حصولي على المركز الاول ورفع علم مصر من يومين ببطولة في ايطاليا فهاذا كلام لا يصدقه منطق”.

سامح الدهان: طلبت أعرف سبب استبعادي

واختتم “سامح” البيان قائلاً: “لم يتم ذكر اي criteria من قبل الاتحاد لي لمعرفه الشروط الواجبه ليتم اختياري في الفريق، كل اللي أنا كنت طالبه التوضيح و احترام المجهود المبذول من جميع الفرسان و التعامل باحترافيه وعمري ما حكون عايز أخد مكان مش بتاعي”.

وأضاف: ” لوالفرسان الـ4 وخيولهم أحسن مني يبقي ربنا يوفقهم وحدعمهم زي ما هدعم كل البعثه المصريه في كل الالعاب و ده مش معناه اني موافق علي القرار و لكن مصر دائما تيجي أولاً”.

كما أكد أنه علم بقرار استبعاده من خلال أخبار السوشال ميديا والمقالات، مضيفًا: “بعد ما كان التواصل تليفونيًا لحد امبارح الصبح بيأكد أن مفيش قرارات نهائية اتحسمت وإني لازلت مرشح لتمثيل مصر في الأولمبياد”.

اقرأ أيضًا:

الحقيقة الكاملة وراء استبعاد الفارس سامح الدهان من المشاركة في أوليمبياد طوكيو